Земјотрес со јачина од 4,3 степени ја погоди Црна Гора

ПОДГОРИЦА

Земјотрес со јачина од 4,3 степени по Рихтеровата скала ја погоди Црна Гора во 1:18 часот по полноќ, пренесува Агенција Анадолија (АА).

Како што е соопштено од Заводот за хидрометеорологија и сеизмологија, епицентарот на земјотресот од средна јачина бил на седум километри североисточно од Крушевица.

Се наведува дека епицентарот на земјотресот е лоциран на длабочина од десет километри.

„Врз основа на нумеричкиот модел на промена на интензитетот со растојание во овој регион, магнитудата на земјотресот и длабочината на хипоцентарот, овој земјотрес можеше да предизвика само помали материјални штети во епицентралното подрачје“, рекоа од Заводот.