Косово: Во Северна Митровица уапсен осомничениот за вмешаност во убиството на Оливер Ивановиќ

ПРИШТИНА (АА) - Полициските сили во раните утрински часови во Северна Митровица спроведоа акција поврзана со случајот со убиството на Оливер Ивановиќ и притоа е уапсен еден полицаец, додека другиот баран полицаец не е пронајден, јавува Anadolu Agency (AA).

Портпаролот на полицијата на Косово, Баки Келани, за Anadolu Agency (AA) потврди дека полициската операција извршена врз основа на наредбата за контрола што ја издал Специјалниот оддел на Основниот суд, што резултираше со апсење на осомничениот полицаец Р. Б. вклучен во налогот за претрес, додека по другиот осомничен, исто така полицаец, се трага.

За време на полициските акции е уапсен уште еден осомничен кај кој е пронајдено оружје. Во операцијата се пронајдени и запленети уште две оружја и муниција.

Оливер Ивановиќ, политичкиот лидер на Србите од Косово, е убиен во атентат на 16 јануари 2018 година пред седиштето на неговата партија во Северна Митровица.