Од Туркије, Словенија и Бугарија се враќаат осуммина повредени во пожарот во Кочани

СКОПЈЕ (АА) - Денес во Северна Македонија се враќаат 8 пациенти кои беа испратени на лекување во Туркије, Словенија и Бугарија, известува Анадолу.

Министерството за здравство на Северна Македонија информираше дека во земјава се враќаат осум повредени кои беа на лекување во болниците во Туркије, Словенија и Бугарија. Од министерството соопштија дека во странство остануваат хоспитализирани уште 18 повредени во пожарот.

Од повредените што се враќаат во земјата, петмина се лекуваа во Туркије, двајца во Бугарија и еден во Словенија. Од пациентите што ќе се вратат во земјата, петмина ќе бидат сместени во ГОБ „8 Септември“, двајца на Клиника за пластична хирургија, а еден ќе биде сместен во Хируршка клиника „Св.Наум Охридски“.

Министерството за здравство информираше дека континуирано ја следи состојбата на повредените пациенти, со цел да им осигура најдобар можен третман и натамошна рехабилитација.

Во трагичниот пожар во дискотеката „Пулс“ во Кочани во кој животот загубија 59 лица, а над 170 беа повредени, бројот на настрадани се зголеми на 62 откако уште три лица им подлегнаа на повредите, кои беа на лекување во странство.