Премиерот Курти: „Посетата ја започнав со положување цвеќе на Спомен-обележјето на убиените деца од опколено Сараево“

САРАЕВО (АА) - Косовскиот премиер Албин Курти, кој денеска е во посета на Босна и Херцеговина, рече дека посетата на главниот град Сараево ја започнал со посета на Спомен-обележјето на убиените деца на опколеното Сараево, за што рече дека е место на длабока тага и сеќавање, јавува Анадолу.

„Посетата на Сараево ја започнав со положување цвеќе на Спомен-обележјето на убиените деца од опколено Сараево, место на длабока тага и сеќавање. За време на опсадата на Сараево (1992 – 1996), 1.601 дете беа убиени во склоп на пошироките злосторства извршени од српските сили за време на војната во Босна. Овие трагични податоци забележани тука нè потсетуваат на изгубените невини животи и ужасите нанесени врз цивилите“, напиша Курти на својот профил на социјалната мрежа X и сподели фотографии од неговата посета на Спомен-обележјето.

Курти за време на посетата на Сараево одвоено беше пречекан од членовите на Претседателството на Босна и Херцеговина, Денис Беќировиќ и Жељко Комшиќ, како и од потпретседателот на босанскохерцеговскиот ентитет на Федерацијата БиХ, Рефик Лендо.

Курти потоа ќе има состанок во Советот на министри на БиХ, а попладне ќе биде главен говорник на седницата на Здружението на независни интелектуалци „Круг 99“.