Северна Македонија: Евидентирани 75 нови случаи и еден починат од Ковид-19

СКОПЈЕ (АА) - Во изминатите 24 часа во Северна Македонија регистрирани се 75 нови случаи на коронавирусот (Ковид-19), со што вкупната бројка на евидентирани случаи од почетокот на пандемијата во земјата достигна 312.097, пренесува Агенција Анадолија (АА).

Пријавено е едно починато лице од Ковид-19, со што билансот на смртни случаи во земјата достигна 9.307.

Институтот за јавно здравје регистрира 88 оздравени пациенти од Ковид-19, додека вкупната бројка на досега излекувани изнесува 302.290.

Во моментот, бројот на активни случаи со Ковид-19 изнесува 500.

Министерството за здравство информира дека во последните 24 часа реализирани се 1.112​​​​​​​ тестирањa за Ковид-19, а досега во земјата се направени вкупно 2.057.173 тестирања.