Србија: Починаа 58 лица, 5.809 новозаразени со Ковид-19

БЕЛГРАД

Во Србија во изминатите 24 часа починаа 58 лица од последици на новиот тип коронавирус, а регистрирани се 5.809 новозаразени. Денес во земјата хоспитализирани се 8.106 лица, пренесува Агенција Анадолија (АА).

Досега во Србија се детектирани 219.652 лица позитивни на Ковид-19. Во последното деноноќие тестирани се 14.486 примероци сомнителни на коронавирус, од кои 5.809 се позитивни.

Во истиот период починаа 58 заразени, со што бројката на потврдени смртни случаи се зголеми на 1.949. Процентот на смртност изнесува 0,89%.

На респиратор во болниците низ Србија се наоѓаат 278 пациенти.

Во Србија се тестирани вкупно 1.899.946 лица.