Студенти од цела Србија пеш и со велосипеди пристигнуваат во Белград на масовен протест

БЕЛГРАД (АА) - Студенти од цела Србија пристигнуваат во главниот град Белград, пеш и со велосипеди, за да присуствуваат на масовниот антивладин протест закажан за утре (сабота), јавува Анадолу.

Голем број граѓани се собраа на Теразије за да ги пречекаат студентите.

Протестите, предводени од универзитетските студенти, започнаа во ноември, по уривањето на натстрешницата на Железничката станица во Нови Сад, при што загинаа 15 лица.

Оттогаш демонстрации се одржуваат речиси секојдневно, а овој собир се очекува да биде еден од најголемите антивладини протести во поновата историја на Србија.