Nazmi Abduramani
22 Декември 2015•Ажурирај: 23 Декември 2015
СКОПЈЕ (АА) - Поранешните вработени во компанијата ОХИС, денеска повторно протестираа пред седиштето на Владата со што бараa државата да ги исплати 24-те плати што им ги должи тоа јавно претпријатие на работниците, јавува Anadolu Agency (АА).
На денешниот митинг присуствуваа десетици луѓе, кои веќе секој вторник протестираат пред зградата на Владата.
Вкупниот износ за плати и придонеси, кои мора да бидат исплатени на екс - вработените на ОХИС изнесуваат скоро 5 милиони евра.
Владата на Република Македонија во моментов нема решение за проблемот, а единствената опција е продавање на компанијата, која со години работи со загуби. Во последните неколку години компанијата ОХИС на вкупно 13 тендери за продажба не успеа да се продаде на приватни инвеститори.
