Zlatan Kapic
27 Декември 2021•Ажурирај: 27 Декември 2021
САРАЕВО
Делегацијата на министерството за одбрана на Република Турција, на чело со министерот Хулуси Акар, денес ја започна официјалната посета на министерството за одбрана и Вооружените сили на Босна и Херцеговина (БиХ), јавува Агенција Анадолија (АА).
По свечениот пречек на делегацијата која ја предводи министерот Акар во кругот на зградата на министерството за одбрана на БиХ, започна официјалниот состанок на делегациите на министерството за одбрана на БиХ и Вооружените сили и министерството за одбрана на Република Турција.
Дел од делегацијата на Република Турција се амбасадорот на оваа земја во БиХ, Садик Бабур Гиргин и други претставници.
Официјалниот состанок на делегациите се одржува во зградата на министерството за одбрана на БиХ. Домаќинот на посетата на делегацијата на министерството за одбрана на Република Турција е министерот за одбрана на БиХ, Сифет Поџиќ со делегацијата на министерството за одбрана и Вооружени сили на БиХ, а на состанокот присуствува и началникот на Заедничкиот штаб на Вооружените сили на БиХ, генералот полковник, Сенад Машовиќ.
Акар со својата делегација утринава ги посети Шехидските гробишта Ковачи во Сараево и положи цвеќе на гробот на Алија Изетбеговиќ, првиот претседател на Република Босна и Херцеговина.
Министерот за одбрана на Турција Акар, за време на својата посета на БиХ ќе се состане со членовите на Претседателството на БиХ, ќе ја посети ЛОТ куќата на Турската воена мисија во Зеница, а ќе се сретне и со турските војници во базата „Бутмир“ кај Сараево.
По посетата на Босна и Херцеговина, Акар ќе отпатува во посета на Косово.
