Воената операција на Русија врз Украина ги потресе светските пазари

ИСТАНБУЛ

Откако Русија започна воена операција врз Украина, акциите на светскиот пазар тешко се продаваат, а цените на златото, нафтата и обврзниците пораснаа, јавува Агенција Анадолија (АА).

Додека руската воена операција во Украина ја зголеми нестабилноста на цените, падот на светските берзи доби на интензитет.

Иако загубите беа делумно компензирани откако падот на индексот РТС во Русија достигна 49 отсто, тој остана на 878 поени, што е за 27 отсто помалку од претходното затворање.

Акциите на „Сбербанк“ се тргуваат по 102 рубли, што е пад од 51 отсто, додека акциите на „Гаспром“ се тргуваат по 170 рубли, што е пад од 38 отсто.

Покрај тоа, „Роснефт“, која е една од другите значајни компании во Русија, ја загуби вредноста за 34 отсто, „Лукоил“ за 26 отсто и „Јандекс“ за 25 отсто.

Додека падот на индексот на фјучерс пазарите во САД достигна 2 отсто, европските берзи се околу 3 отсто под вчерашното затворање.

Цената на унца злато се искачи на 1.950 долари, што е највисоко ниво од јануари 2021 година, додека цената на барел нафта „Брент“ надмина 100 долари за првпат од 2014 година.

Аналитичарите сметаат дека зголемената перцепција за ризик на глобалните пазари поради руско-украинската криза би можела да влијае на цените на недвижностите уште некое време и забележуваат дека би било корисно за инвеститорите да се однесуваат внимателно.

Посочувајќи дека по ескалацијата на тензиите, важноста на вербалните насоки поврзани со монетарната политика е зголемена, аналитичарите велат дека инвеститорите ќе ги следат изјавите на претставниците на Федералните резерви на САД (ФЕД) и Европската централна банка (ЕЦБ).