Ekipa
10 Јануари 2023•Ажурирај: 11 Јануари 2023
БЕРЛИН (АА) - Германската престолнина Берлин и источните региони на оваа земја се соочуваат со недостиг на бензин и високи цени бидејќи руската нафта од 1 јануари престана да стигнува во Европа, пренесува Агенција Анадолија (АА).
„Рафинеријата PCK во Швед, во источногерманската покраина Бранденбург, која претходно се снабдуваше исклучиво со руска нафта, работи со околу 50 отсто капацитет поради падот на понудата“, се наведува на веб-страницата „Бизнис инсајдер“.
Последиците од намалувањето на производството се веќе видливи. Ова веќе се рефлектира во маржите на националната просечна цена на бензинот во складиштето за бензин Зефелд, што се наоѓа североисточно од Берлин.
Сервисот за информации за цените Аргус Медиа објави дека веќе има недостиг на производство на бензин во регионот.
„Бизнис инсајдер“ објави дека во нафтената компанија која управува со PCK, многу работници моментално се на работа со скратено работно време.
„Големите алтернативни испораки на нафта од Полска и Казахстан, како што најави германската Влада, треба да пристигнат допрва“, пишува „Бизнис инсајдер“.
Односите меѓу Германија и Русија се затегнати поради војната во Украина. Берлин ја обвинува Москва за воени злосторства, ја суспендира билатералната соработка и воведе остри економски санкции.
