Ata Ufuk Şeker
17 Септември 2020•Ажурирај: 17 Септември 2020
БРИСЕЛ
Во сенка на борбата против последиците на пандемијата на Ковид-19 во ЕУ, во текот на изминатите осум месеци, речиси за третина е намалена продажбата на новите автомобили во однос на истиот период минатата година, јавува Агенција Анадолија (АА).
Здружението на европските произведувачи на автомобили (ACEA) соопшти дека во август оваа година на пазарот на ЕУ се продадени 769.525 нови автомобили, што е за 18,9 отсто помалку во однос на продажбата од август минатата година.
Најголем пад на продажба од 51,9 отсто е забележан во Романија, потоа следуваат Естонија со 42,3 отсто, Бугарија со 34,5, Чешка со 33,6, Унгарија 30,1, Грција со 28,6, Германија со 20, Франција со 19,8 и Шпанија со 10,1 отсто.
Во извештајот исто така се наведува дека во првите осум месеци на 2020 година во 27 членки на ЕУ продадени се вкупно 6.123.852 нови автомобили, што е за 32 отсто помалку во однос на продажбата во истиот период претходната година.
