„Лукоил“ ја задржа позицијата на најголема руска приватна компанија

МОСКВА

„Лукоил“ ја задржа позицијата на најголема руска приватна компанија и во 2019 година. На второто место се наоѓа енергетската компанија „Сургутнефтегас“, додека трета е малопродажната компанија „Х5“, пренесува Агенција Агенција (АА).

Економскиот магазин „Форбс“ (Forbes) ја објави листата на најголемите руски приватни компании, на која нафтената компанија „Лукоил“ го зазеде првото место со приходи од 7,8 милијарди рубљи минатата година.

Втора на листата е нафтената компанија „Сургутнефтегас“, која минатата година оствари заработка од 1,8 милијарда рубљи. Малопродажната компанија „Х5“ го зазеде третото место на листата со приходи од 1,7 милијарда рубљи.

Како што наведува магазинот „Форбс“, проблемите во руската економија се одразија на вкупните приходи на компаниите од листата.

Вкупните приходи на компаниите од листата се зголемија за 22 отсто во 2018 година во однос на претходната, додека минатата година е забележан раст од 12 отсто.