Касета со необјавена песна на Џон Ленон продадена на аукција

АНКАРА (АА) - Касетата на која е снимена необјавена песна на Џон Ленон, член на светски познатиот бенд „Битлси“, беше продадена на аукција во Копенхаген, главниот град на Данска, пренесува Агенција Анадолија (АА).

Според веста на „Би-би-си“ (BBC), касетата која припаѓа на Џон Ленон и Јоко Оно е продадена за 58.300 долари на аукција во Копенхаген.

Касетата, која трае 33 минути, е снимена од четворица дански тинејџери, пред повеќе од 50 години, неколку месеци пред распадот на групата „Битлси“.

Се наведува дека касетата вклучува интервју со Ленон и Оно и претходно необјавена песна на Ленон.

Неидентификуваниот купувач понудата ја доставил преку телефон. Заедно со касетата добил и фотографија на Ленон со учениците и училишниот весник.