Чевлар од Турција веќе 59 години ѝ е верен на својата професија, со која започнал како дете

Салих Демир од округот Гереде во Болу, кој како дете почнал да се занимава со чевларскиот занает и веќе 59 години му е посветен, сè уште не се одвојува од својата работна маса и покрај поодминатата возраст, пишува Анадолу.

Седумдесет и двегодишниот Демир почнал да го изучува чевларскиот занает како чирак на само 13 години, а и денес продолжува да работи.

Иако во занаетот повеќе нема толкава динамика како во минатото, Демир ѝ останува верен на својата професија. Во својата работилница во Гереде, со калапи за обувки, рачни алати и машина за шиење, старите обувки повторно ги прави употребливи.

Покрај поправката на обувки, Демир продолжува и со изработка на традиционалните мести – вид традиционални кожени обувки.

За АА тој раскажа дека во текот на својата речиси 59-годишна кариера поправил безброј обувки и изработил голем број традиционални кожни обувки, мести.

Демир рече дека и покрај возраста секој ден е на работна маса и додаде дека порано постојано изработувал обувки, но денес речиси сите носат фабрички произведени.

– „Луѓето ќе мора да купуваат нови обувки бидејќи нема да најдат мајстор за поправка“ –

Демир посочи дека во последно време повеќе се занимава со изработка на местви.

„И мествите веќе не ги носат сите. Приходот зависи од тоа што ќе успееме да продадеме пред зимата. Мествите ги носат луѓе што се молат, постари лица и луѓе со поголема телесна тежина што не можат секој ден да ги мијат стапалата“, рече тој.

Демир се пожали дека младите повеќе не се заинтересирани за овој занает. Тој истакна дека бројот на чевлари се намалува и оти во иднина луѓето ќе немаат каде да ги однесат своите обувки на поправка.

Посочувајќи дека со исчезнувањето на занаетот луѓето ќе бидат принудени да купуваат нови обувки бидејќи не ќе можат да најдат мајстор за поправка, Демир истакна:

„Овој занает можеби ќе продолжи ако има луѓе што ќе се заинтересираат. Ако луѓето гледаат колку може да заработат и си речат: ’Од ова можам да имам приход‘, па го изберат како професија, можеби ќе продолжи.“

Демир додаде дека ќе продолжи да работи сè додека му дозволува здравјето и истакна дека во регионот останале малкумина што, како него, се занимаваат со поправка на обувки.

Тој рече дека има и клиенти што доаѓаат од Истанбул и Анкара за да им ги поправи обувките.