Велика Британија: Само 18 отсто од симптоматските болни лица тестирани на коронавирусот

ЛОНДОН

Истражувањето во Велика Британија покажа дека само 18 отсто од заразените со коронавирусот кои покажуваат симптоми на болеста, биле тестирани на Ковид-19, јавува Агенција Анадолија (АА).

Локалните медиуми пренесуваат дека експертите од Агенцијата за јавно здравство на Англија (PHE) спровеле анкета во која учествувале 53.880 лица кои се заразени со Ковид-19.

Резултатите од анкетата покажаа дека само 18 отсто од симптоматските болни лица биле тестирани на присуство на коронавирусот. Кај 52 отсто од заразените биле забележани симптоми како кашлање, висока температура, губење на чувство за мирис и вкус.

Се истакнува дека 48 отсто од заразените биле во карантин, а дека мерките на карантин помалку ги почитувале мажите, младите лица, семејствата со деца и лицата со финансиски потешкотии. Најчестите изговори за прекршување на мерките за карантин биле заминување на работа, купување или лекување.

Во Велика Британија од почетокот на пандемијата се забележани повеќе од 4.345.000 случаи на заразување со коронавирусот, но поединци тврдат дека овој број веројатно е помал во однос на вистинскиот број на заразени.

Резултатите од анкетата се објавени во неделното списание на Унијата на британски лекари (BMJ).