Во Русија како последица на Ковид-19 починаа 5 новинари

МОСКВА (АА) - Претседателот на Сојузот на новинари на Русија, Владимир Соловјев, соопшти дека над 400 новинари во земјата се заразени со новиот вид коронавирус (Ковид-19), а дека 5 новинари во Русија починале како последица на вирусот, пренесува Агенција Анадолија (АА).

Според веста на новинската агенција „Интерфакс“, Соловјев информирал за руските новинари кои се заразени со Ковид-19.

Тој нагласи дека над 400 новинари во земјата се заразени со овој вирус.

Додаде дека како последица на Ковид-19, во земјата починале 5 новинари.

Според него, постои можност за зголемување на оваа бројка на 6 новинари, бидејќи, како што рече тој, неодамна во Калининград починал еден новинар под сомнение дека починал од Ковид-19, но сè уште не е откриена причината за неговата смрт.

„Според податоците на Меѓународната федерација на новинари, како последица на Ковид-19 починале над 60 новинари од 30 земји во светот“, додаде Соловјев.