Гувернерот на Њујорк со одговор до Трамп: „Ние во САД немаме крал“

ЊУЈОРК

По изјавите на американскиот претседател Доналд Трамп дека тој има потполно овластување над сите држави за укинување на мерките преземени во рамките на борбата против Ковид-19, реагираше гувернерот на Њујорк, Ендру Куомо одговарајќи му дека Соединетите американски држави немаат крал, јавува Агенција Анадолија (АА).

Куомо на прес-конференцијата истакна дека сака да соработува со Трамп, а не да се расправа во време на борбата против коронавирус.

На изјавите на Трамп дека поседува овластувања за укинување на мерките против Ковид-19 во сите американски земји, Куомо упати прилично краток и остар одговор.

„Ние немаме крал. Сега не е време за расправии и политички кавги. Доколку Трамп сака да се расправа со некој, тоа нема да бидам јас“, изјави гувернерот на Њујорк.

Наведувајќи дека иако графичкиот приказ на пандемијата покажува дека бројот на заразени лица со Ковид-19 се намалува, Куомо потсети дека во Њујорк во последните 24 часа починале 778 лица, а вкупниот број на починати изнесува 10.834.