Москва: Приведени најмалку 100 демонстранти, меѓу кои и лидерот на опозицијата

МОСКВА (АА) - Најмалку 8.000 демонстранти се собраа денес на собир, којшто во центарот на Москва го организираше опозицијата, јавува Anadolu Agency (AA).

Станува збор за собир чие одржување не е одобрено од страна на надлежните руски власти, поради што на терен се иапратени бројни полициски тимови.

Руската агенција ТАСС јавува дека на митингот на улицата Тверскаја се собрале меѓу седум и осум илјади луѓе, и дека засега нема официјални информации за приведување на демонстранти.

Неименувани полициски извори за руските медиуми соопштија дека полицијата привела најмалку 100 демонстранти.

Истите извори јавуваат дека меѓу приведените е и лидерот на опозицијата Алексеј Навални.