Ensar Balcı
21 Јули 2017•Ажурирај: 21 Јули 2017
АТИНА/МУГЛА (AA) - Најмалку две лица загинаа на грчкиот остров Кос откако земјотресот со јачина од 6,3 степени го потресе Егејското море во близина на турското и грчкото крајбрежје, јавува Anadolu Agency (AA).
Според информациите на грчките власти, загинале туристи од Шведска и Турција. Локалните медиуми наведуваат дека се повредени повеќе од стотина лица.
Гувернерот на Мугла Есенгул Чивелек изјави дека на ова подрачје нема ниту жртви ниту материјална штета.
Земјотрес со јачина од 6.3 степени забележан е во 1,31 часот по локално време на длабочина од 7,8 километри, наведоа од турската државната Агенција за управување со вонредни ситуации (АФАД).
По земјотресот со јачина од 6,3 степени забележани се уште 40 потреси со јачина од три до 4,6 степени. Чивелек истакна дека жителите ноќта ја поминале надвор поради страв и паника. Потврди и дека формирале кризен штаб во овој турски град.
Чивелек појасни дека нема материјална штета, но дека има повредени поради паниката која владеела во текот на земјотресот.
