Силен земјотрес го погоди јужниот дел на Иран

ТЕХЕРАН (АА) - Силен земјотрес со јачина од 5,7 степени утринава го погоди јужниот регион на Иран, јавува Anadolu Agency (AA).

Центарот за сеизмологија при Универзитетот во Техеран соопшти дека епицентарот на потресот е регистриран во гратчето Рујдер, во јужната иранска покраина Хормозган.

Епицентарот е регистриран на длабочина од 8 километри, а потресот предизвика паника во повеќе јужни градови од оваа земја.

Потресот се случи во 09:37 часот по локално време, а кон загрозените подрачја се упатени бројни противпожарни, медицински и спасувачки екипи.

Досега нема информации за настрадани лица.