Трамп: „Не е изненадувачка одлуката за повлекување од Сирија“

АНКАРА (АА) - Претседателот на Соединетите Американски Држави (САД), Доналд Трамп, истакна дека не е изненадувачка одлуката за повлекување од Сирија, и дека е време за враќање дома, пренесува Anadolu Agency (AA).

Трамп, во објава на Твитер, нагласи дека одлуката за повлекување од Сирија не е изненадувачка, и рече дека со години работел на повлекување на силите од Сирија.

Трамп рече дека кога пред шест месеци јавно порачал дека сака да се повлечат од Сирија, се согласил да останат таму уште извесно време.

„Русија, Иран, Сирија и другите, се локални непријатели на ДЕАШ. Ние ја вршевме работата таму“, нагласи тој, додавајќи дека е време за враќање дома.

Трамп праша дали САД сакаат да бидат полицаец на Средниот Исток, не добивајќи ништо, а трошат трилиони долари и скапоцени животи за заштита на другите кои речиси во сите случаи не го ценат она што тие го прават.

„Дали сакаме засекогаш да останеме таму? Време е конечно другите да војуваат“, истакна Трамп. Трамп вчера на Твитер напиша дека ја поразиле ДЕАШ во Сирија, и дека е време нивните војници да се вратат дома.