Oktaj Omeragikj
03 Мај 2025•Ажурирај: 04 Мај 2025
ЛЕФКОША (АА) – На технолошкиот фестивал ТЕКНОФЕСТ 2025 што се одржува во Турската Република Северен Кипар (ТРСК), турската жандармерија го претстави новиот четириножен робот познат како ‘куче робот’, кој ќе се користи за откривање и неутрализирање на експлозиви, јавува Анадолу.
Роботот, опремен со роботска рака од производителот KINOVA и напредна технологија за движење и навигација, нуди можност за интервенција на тежок терен без да се загрозат животите на припадниците на жандармеријата.
Оваа технолошка иновација е развиена преку соработка помеѓу Фондот за безбедност на жандармеријата (JAVDES) и компанијата DPM Tech, со цел дополнително да се подобрат капацитетите на тимовите на жандармеријата во борбата против експлозивни закани.
Организиран од Фондацијата на технолошкиот тим (Т3) на Туркије и турското Министерство за индустрија и технологија, ТЕКНОФЕСТ се одржува секоја година од 2018 година со учество на 132 институции, вклучувајќи јавни институции, технолошки гиганти, универзитети и медиумски организации.
Агенција Анадолу (AA) е глобален комуникациски партнер на ТЕКНОФЕСТ ТРСК.
Иако настанот традиционално се одржува во разни градови низ Туркије, во парни години и во Истанбул во непарни години, Турскиот Кипар стана вториот меѓународен организатор по Азербејџан, каде се организираше ТЕКНОФЕСТ во 2022 година.
Во 2024 година ТЕКНОФЕСТ организиран во град Адана на југот на Туркије привлече околу 1,1 милион посетители.
