Либералите во Европскиот парламент го променија името

БРИСЕЛ (АА) - Третата по големина политичка група со либерално сфаќање во Европскиот парламент, Унијата на либерали и демократи за Европа (АЛДЕ), го промени своето име во „Обнови ја Европа“, пренесува Anadolu Agency (AA).

Во пораката споделена од официјалниот твитер-профил на АЛДE, е објавено дека името на групата е променето во „Обнови ја Европа“ (Renew Europe).

Либералите постигнаа голем успех на последните избори. Во однос на претходните избори, бројот на пратеници го зголемија за 37 и сега имаат 105 места во Европскиот парламент и се трета по големина политичка група во Парламентот.

На изборите за ЕП одржани меѓу 23-26 мај, во 28 земји членки на ЕУ, на Европската народна партија (ЕПП) и Социјалдемократите (С & Д) од центарот им се намали бројот на пратеници, додека екстремно десничарските популистички партии, либералите и зелените, добија поголема моќ.

Мандатот на Европскиот парламент, кој се состои од вкупно 751 место, ќе започне на 2 јули.