Претседателот Ердоган телефонски разговараше со францускиот претседател Макрон

АНКАРА (АА) - Претседателот Реџеп Таип Ердоган оствари телефонски разговор со францускиот претседател Емануел Макрон, известува Анадолу.

Според соопштението на Дирекцијата за комуникации на турското Претседателство, на средбата меѓу Ердоган и Макрон се разговарало за билатералните односи меѓу Туркије и Франција, како и за регионални и глобални прашања.

На средбата претседателот Ердоган истакнал дека заштитата на територијалниот интегритет и суверенитет на Сирија е важна и изразил задоволство од одлуката на Франција повторно да ја отвори својата амбасада во Сирија.

Наведувајќи дека се започнати напорите за враќање на сириските бегалци во татковината, Ердоган нагласил дека меѓународната заедница мора да соработува за да создаде услови, спроведувајќи реконструкција и ревитализација во Сирија, со цел да се создадат одржливи услови кои ќе им овозможат на Сиријците да останат во својата земја.