Товарен брод погоден од непознат проектил во Ормускиот Теснец, две жртви

Товарен брод бил погоден од непознат проектил во Ормускиот Теснец, при што се запалил и продолжил да плови без контрола, соопшти денес британската Агенција за поморски трговски операции (УКМТО), јавува Анадолу.

УКМТО соопшти дека службеникот за безбедност на компанијата чија сопственост е бродот го пријавил инцидентот и дека сите членови на екипажот биле евакуирани, при што се пријавени две жртви.

Надлежните органи го истражуваат инцидентот, а досега не е пријавено влијание врз животната средина, соопшти агенцијата.

УКМТО ги советуваше бродовите што транзитираат низ Ормускиот Теснец да бидат претпазливи и во агенцијата да пријават каква било сомнителна активност.