„Воен злосторник!“, извикуваа демонстрантите во американскиот Капитол кон израелскиот министер Бен-Гвир

ВАШИНГТОН (АА) - Пропалестински демонстранти се конфронтираа со израелскиот министер за национална безбедност Итамар Бен-Гвир во американскиот Капитол во Вашингтон, јавува Анадолу.

„Воен злосторник!“, извикуваа демонстрантите кон него.

Во Капитол се одржуваше 10-тиот годишен Национален ден за застапување на муслиманите на Советот на муслимански организации на САД, каде што говореа и за прекин на огнот во Појасот Газа и за крај на геноцидот во опколената енклава.

Како дел од неговата посета на САД, Бен-Гвир пристигна во Капитол за да се сретне со одредени пратеници.

Демонстрантите извикуваа: „Срам да ви е!“ и „Слободна, слободна Палестина!“

Според видеата на социјалните медиуми, Бен-Гвир им вика на демонстрантите и ги пробива своите обезбедувачи за да им се приближи. Подоцна влегува во канцеларијата на член на Конгресот.

Посетата на крајно десничарскиот израелски министер на САД предизвика демонстрации, меѓу кои и за време на говорот во Менхетен, Њујорк, во четвртокот.

Тој во средата тврдеше дека американските републиканци го поддржуваат неговиот повик за бомбардирање на складиштата за храна и хуманитарна помош во Појасот Газа, опустошен од војната.