„Климатските промени ја поткопуваат медитеранската цивилизација“

АНКАРА

Заменик генералниот секретар на Унијата за Медитеранот (UfM), Граменос Мастројени во интервју за АА денес изјави дека климатските промени ја поткопуваат медитеранската цивилизација и регионалните состојби, јавува Агенција Анадолија (АА).

Зборувајќи за АА, Граменос Мастројени рече дека Акциониот план за климатски промени на УфМ за периодот 2021-2025 година ги повикува владите, деловниот и финансискиот во светот да дејствуваат веднаш против забрзаните климатски промени над Медитеранот.

„Се проценува дека енергетската побарувачка во земјите од јужниот и источен Медитеран по глава на жител ќе се зголеми за околу 60 отсто до 2040 година, што создава можноста за фер и забрзен развој, правда и мир, доколку ја препознаеме вистината“, изјави Мастројени за АА.

Објаснувајќи која е „вистината“ што треба да ја препознаат луѓето, Мастројени додаде: „Ниту една нација или заедница, дури ни најсилна или најбогата околу нашето море, нема доволно средства да се соочи сама со влијанијата од климатските промени“.

„Потребни сме едни на други, треба да ги споиме старите и традиционалните технологии совладени од различни народи; треба да сметаме на стабилноста и доброто здравје на нашиот сосед за да останеме безбедни, а не на нивната смрт да се чувствуваме посилни. На крајот, нашиот заеднички дом Планетата ни испраќа длабока порака: Конечно создадете правда и мир! “

- Потреба од земјоделска револуција

Мастројени истакна дека медитеранскиот регион е едно од главните жаришта на климатските промени во светот, посочувајќи на екстремните временски настани и проширување на пустинските области, како и на зголемувањето на нивото на морето.

„Овие феномени влијаат на квалитетот на воздухот што го дишеме, пристапот до слатководни ресурси, достапноста на земјиштето за земјоделство и добиток, урбаните инфраструктури и туризмот“, рече тој.

Овие влијанија не беа „збир на раздвоени проблеми или локализирани“, истакна тој и додаде: „Во суштина, климатските промени ја поткопуваат основата на медитеранската цивилизација и регионалните рамнотежи. Ако во денешно време човештвото живее во организирани општества, тоа не се должи на индустриската револуција, туку на повеќе античката што започна во Анадолија - земјоделска револуција“.

Мастројени, исто така, ги повика владите, светот на бизнисот и финансиите, како и обичните луѓе да започнат со земјоделството за да сметаат на стабилни, предвидливи циклуси на природата.

- Глобална биосистемска рамнотежа

Состаноците на министерската декларација на УфМ за животната средина и климатските промени, што ќе се одржат во декември, имаат за цел да обезбедат координирани напори за позелено со неутрална употреба на јаглерод, социјално инклузивно опкружување во Средоземното Море со надеж за намалување на загадувањето и враќање на природните ресурси во регионот.

Истакнувајќи ја важноста на стабилна глобална биосистемска рамнотежа, Мастројени рече: „Сите фронтови за заштита на животната средина имаат своја крајна цел зачувување на биолошката разновидност: борбата против климатските промени, загадувањето, пустошењето и слично се корисни во заштитата на структурите на животна разновидност без која човештвото ги губи основните ресурси на кои се организираше“.

Тој исто така предупреди за некои сценарија за глобално затоплување, повикувајќи се на 4-та Меѓувладина комисија за проценка на климатските промени во 2007 година, за можноста за исчезнување на осум од 10 видови: „Во суштина, имплицитен страв е тоа - како и за климатските промени - - дека ние опасно се приближуваме до пресвртните точки над кои синџирот на рамнотежи што стои во биосферата може да претрпи општ, брз и трауматски колапс “.

- Криза предизвикана од Ковид-19

Пандемијата на Ковид-19, која се прошири во 188 земји и региони е причина за смртта на 694.000 лица во светот.

„Ова покажува колку е важно да се обнови рамнотежата меѓу човечките активности и природата“, вели Мастројени.

„Науката нè предупредува веќе пред повеќе од една деценија: кризата со коронавирусот не беше непредвидлива варијабла. Се започна и се шири заради неуспесите во човековите политики “, рече тој.

„Во суштина, тоа се должи на нашето лошо управување со екосистемот, погоден главно во оние области кои се сериозно погодени од загадување и станува структурна закана заради неправедната и небалансирана дистрибуција на богатството и ресурсите“, додаде тој.

Мастројени истакна дека кризата од Ковид-19 е итна лекција за медитеранскиот регион: „Кризата од Ковид-19 уште повеќе ќе ги влоши климатските промени, треба итно да го срушиме циклусот“.