ОН: Жените и девојчињата се 53% од луѓето погодени од недостигот на храна поради состојбата на Блискиот Исток

Жените и девојчињата сочинуваат 53% од предвидените 22 милиони лица што би можеле да се соочат со несигурност во храната до крајот на оваа година поради ескалацијата на Блискиот Исток и нарушувањата во Ормускиот Теснец, според анализата на ОН за жени објавена денес, јавува Анадолу.

Тоа изнесува дополнителни 11,7 милиони жени и девојчиња во 28 анализирани земји, покрај околу 208 милиони што веќе биле во состојба за несигурни услови за снабдување со храна или недоволно исхранети, се наведува во неа.

„Кога храната станува оскудна, жените јадат помалку и трпат“, рече заменик-извршната директорка на ОН за жени, Њараџаји Гумбонзванда, истакнувајќи дека жените често преминуваат на помалку хранливи диети или прескокнуваат оброци за да им дадат приоритет на другите.

Во анализата се вели дека прекините на транспортот низ Ормускиот Теснец ги зголемуваат трошоците за енергија, ѓубрива и транспорт, зголемувајќи ги цените на храната.

Според анализата, земји како Јужен Судан, Судан, Хаити, Јемен и Палестина се соочуваат со поконцентрирани ризици бидејќи се преклопуваат повеќе извори на ранливост.

ОН Жени (UN Women) повикаа на помош во храна и пари, како и поддршка за исхраната, заштитата, егзистенцијата и земјоделството.

Исто така, побараа ресурсите да бидат насочени кон местата каде што жените и девојките се соочуваат со повеќе ризици и да бидат доставени во вистинско време и пред земјоделските сезони.