Авганистан: Во бомбашки напад на медреса загина едно лице

КАБУЛ

Во бомбашки напад во медреса во авганистанската област Кост загина едно лице, јавува Агенција Анадолија (АА).

Саед Хости, портпаролот на Министерството за внатрешни работи на талибанската управа, изјави дека бомбашкиот напад е извршен синоќа за време на свеченост одржана во медреса во селото Кост.

Хости наведе дека во нападот загинало едно лице, а три се повредени.

Никој сѐ уште не презеде одговорност за нападот.