Авион Ф-16 се урна по полетувањето во Сингапур

ИСТАНБУЛ (АА) – Борбен авион Ф-16 денеска се урна во Сингапур, а пилотот ја преживеа несреќата, јавува Анадолу.

Министерството за одбрана на Сингапур соопшти дека авион Ф-16 на воздухопловните сили на Сингапур се урнал поради проблеми при полетување.

Несреќата се случила во воздухопловната база Тенга.

Пилотот успешно се катапултирал, а кога пристигнала спасувачката екипа, бил свесен и можел самостојно да оди.

Започната е истрага за несреќата.