Австралискиот франшизер „Доминос Пица“ бележи прва загуба по неколку децении поради бојкотот за Газа

ИСТАНБУЛ (АА) – „Доминос Пица Ентерпрајсес“, австралискиот оператор и франшизер на светски познатиот синџир пицерии, забележа прва годишна загуба по неколку децении, откако бојкотот за Газа предизвика затворање ресторани низ Азија, јавува Анадолу.

Компанијата објави загуба од 3,7 милиони австралиски долари (2,4 милиони американски долари) за финансиската година што заврши во јуни 2025 година, што е значителен пад во однос на профитот од 62,5 милиони долари остварен претходната година.

Според финансиските резултати објавени вчера, профитот на компанијата бележи пад од 104% на годишно ниво.

Акциите на франшизата се намалија за 23% во рок од два дена по објавувањето на заработката.

Два од најважните пазари на компанијата, Франција и Јапонија, постојано имаат лоши резултати, а затворањето на пицериите во Јапонија има голем негативен ефект врз профитот на компанијата.

Намалената побарувачка по пандемијата и растот на цените на суровини дополнително го намалија профитот во оваа земја, каде операторот оваа година затвори 233 пицерии на неколку локации.

Повиците за бојкот на западни компании за кои постојат наводи се поврзани или го поддржуваат Израел, добија засилена поддршка поради неговата војна во Појас Газа.

Израел уби речиси 63.000 Палестинци во Газа од октомври 2023 година. Воената кампања ја опустоши енклавата, која се соочува со глад.

Земјата се соочува и со случај за геноцид пред Меѓународниот суд на правдата поради војната во Газа.