Бајден: Претседателските избори мора да се одржат на 3 ноември

ЊУЈОРК

Водечкиот претендент за претседателски кандидат од редот на Демократската партија, Џо Бајден изјави дека претседателските избори не би требало да се одложуваат поради Ковид-19, јавува Агенција Анадолија (АА).

Поранешниот потпретседател на САД за телевизијата Ен-би-си зборуваше за можните последиците од Ковид-19.

Бајден истакна дека поради пандемијата би можел да се смени начинот на гласање, но не и датумот на изборите.

„Би сакал да може лично да се гласа, но тоа зависи од ситуацијата со пандемијата. Но, не смееме да ги одложуваме ноемвриските избори“, изјави Бајден.

Бајден додаде дека претседателските избори мораат да се одржат на 3 ноември како што е предвидено претходно.