Dilara Karataş
27 Ноември 2022•Ажурирај: 28 Ноември 2022
АНКАРА (АА) - Бројот на загинати во земјотресот што во понеделникот ја погоди Индонезија се искачи на 321, објавија денес медиумите, пренесува Агенција Анадолија (АА).
Околу 14 лица сè уште се водат за исчезнати, објави кинескиот државен медиум CGTN пренесувајќи го соопштението на Националната агенција за управување со катастрофи.
Поради разорниот земјотрес раселени се 73.693 лица, а предизвикана е штета на 56.311 куќи и други објекти, се вели во соопштението.
УНИЦЕФ соопшти дека во земјотресот животот го изгубиле и 100 деца под 15-годишна возраст.
Во понеделникот, земјотрес со јачина од 5,6 степени го погоди гратчето Чианџур во индонезиската провинција Западна Јава.
