Berk Kutay Gökmen
17 Август 2025•Ажурирај: 18 Август 2025
ИСТАНБУЛ (АА) - Бројот на загинати во буичните поплави и лизгањето на земјиштето предизвикани од обилните дождови во Пакистан се искачи на 351, објави денес „Џео њуз“, повикувајќи се на надлежните власти, пренеусва Анадолу.
Во покраината Хајбер Пахтунхва, 328 лица ги загубија животите, а многу други се повредени, додека во северниот регион Гилгит-Балтистан пријавени се 12 смртни случаи, а Азад Џаму и Кашмир, познат и како Кашмир управуван од Пакистан, има 11 жртви.
Властите се загрижени дека бројот на жртви може да се зголеми бидејќи во тек се спасувачките операции во најтешко погодените региони, каде што интензивните поплави и лизгање на земјиштето опустошија домови, бизниси и инфраструктура.
Владата на покраината Хајбер Пахтунхва прогласи вонредна состојба во сите области погодени од поплавите, бидејќи бројот на жртви се зголеми, а операциите за пребарување и спасување на исчезнатите продолжува.
Покраинската управа за справување со катастрофи издаде известување за девет области погодени од поплави, Сват, Батаграм, Баџаур, Бунер, Дир Лоуер, Дир Горен, Маншера, Торгар и Шангла.
Досега, во Бунер се пријавени 209 смртни случаи, 134 се исчезнати и 159 повредени. Спасувачките операции се во тек од страна на три баталјони на армијата и 300 волонтери од цивилната одбрана. Властите обезбедуваат храна, шатори и ќебиња за погодените.
Главниот министер на Хајбер Пахтунхва, Али Амин Гадапур, ги посети поплавените области во Бунер, а подоцна претседаваше со состанок во канцеларијата на заменик-комесарот.
Службениците информираа дека над 3.500 луѓе веќе се спасени.
Тој ја пофали работата на сите институции и увери дека владата „нема да остави камен непревртен“ во рехабилитацијата на жртвите.
Хајбер Пахтунхва вчера, исто така, прогласи ден на жалост за загубата на животите низ покраината.
Националната управа за справување со катастрофи предупреди за уште еден бран монсунски дождови од петок до 10 септември.
Монсунските дождови, кои обично траат од јуни до септември, често предизвикуваат девастација низ Јужна Азија, вклучително и Пакистан, но климатските промени ја зголемија нивната непредвидливост и интензитет во последниве години.
