Бројот на загинати во пожарите на Хаваите се искачи на 99

АНКАРА (АА) - Бројот на загинати во шумските пожари на Хаваите се искачи на 99, пренесува Анадолу.

Шефот на полицијата на Мауи, Џон Пелетиер, рече дека 75 отсто од најтешко погодените области во градот Лахаина сè уште не се проверени, објави „Хаваи њуз нау“.

Пелетиер рече дека 20 кучиња ги придружуваат екипите за пребарување и спасување.

Гувернерот на Хаваи, Џош Грин, на прес-конференција вчера изјави дека бројот на загинати се очекува да се зголеми, јави „Си-би-ес њуз“ (CBS News).

„Поради високите температури, кучињата можат да бараат само по 15 минути“, рече Грин.

Тој додаде дека се обезбедени околу 2.000 станбени единици за евакуираните жители.

„Пожарите во Мауи се најголемата природна катастрофа што некогаш ја доживеале Хаваи“, рече Грин.

Тој додаде дека ќе биде потребно повеќе време за да се направи обнова, наведувајќи дека се уништени околу 2.200 згради, а штетата предизвикана од пожарите изнесува шест милијарди долари.

Минатиот вторник избувнаа шест шумски пожари уништувајќи ги Големиот Остров и Мауи.