Бројот на загинати во силниот земјотрес на Хаити се искачи на 2.207

БОГОТА

Бројот на загинати во силниот земјотрес што се случи на Хаити претходно овој месец се искачи на повеќе од 2.000, соопшти во неделата тамошната Агенција за цивилна одбрана, јавува Агенција Анадолија (АА).

Најмалку 2.207 луѓе загинаа, а 12.268 се повредени по земјотресот со јачина од 7,2 степени според Рихтеровата скала што ја потресе земјата на 14 август.

Со над 100.000 куќи уништени или оштетени од земјотресот, во тек се акциите за потрага и спасување на повеќе од 344 исчезнати.

Епицентарот на земјотресот бил на 12 километри североисточно од Сен-Луј-ди-Сид на длабочина од 10 километри (6 милји).

Земјата, која претрпе огромен пустош и потреси, повика на меѓународна помош.

Еден од најсмртоносните земјотреси во светот во минатиот век се случи на Хаити на 12 јануари 2010 година.

Според официјалните податоци, 316.000 луѓе загинаа, а 300.000 беа повредени во земјотресот со јачина од 7 степени според Рихтеровата скала што го потресе јужниот дел на земјата.

Околу 1,3 милиони луѓе останаа без покрив над главата.