Бројот на починати во епидемијата на колера во Судан порасна на 433

ПОРТ СУДАН (АА) - Бројот на луѓе кои ги загубија животите во епидемијата на колера што го зафати Судан се зголеми на 433, јавува Анадолу.

Вкупниот број на заразени се искачи на 13.922, соопшти Министерството за здравство на Судан, каде врнежите и поплавите од јуни го потпомогнаа ширењето на заразата.

Суданските власти на 12 август прогласија епидемија на колера.

Бидејќи земјата се наоѓа среде разорна граѓанска војна, ширењето на епидемиските болести ги отежнува животите бидејќи нејзиниот здравствен систем не функционира ефикасно.