Бројот на убиени Палестинци во Газа надмина 56.600

ИСТАНБУЛ (АА) - Најмалку 56.647 Палестинци се убиени во геноцидната војна на Израел од октомври 2023 година, соопшти Министерството за здравство денес, јавува Анадолу.

Министерството на палестинската енклава истакна дека во последните 24 часа во болниците биле донесени 116 тела, а 463 лица се повредени, со што вкупниот број повредени во израелските напади достигна 134.105.

„Многу жртви сѐ уште се заробени под урнатините и на патиштата бидејќи спасувачите не можат да стигнат до нив“, се вели во соопштението.

Израелската Aрмија ненадејно ја продолжи воздушната кампања врз Појасот Газа на 18 март, при што се убиени 6.315 лица, а повредени се 22.064 и покрај договорот за прекин на огнот и размена на затвореници од јануари.

Во ноември минатата година Меѓународниот кривичен суд издаде налози за апсење на израелскиот премиер Бенјамин Нетанјаху и неговиот поранешен министер за одбрана Јоав Галант поради воени злосторства и злосторства против човештвото во Газа.

Израел е обвинет за геноцид пред Меѓународниот суд на правдата за неговите постапки во енклавата.