Во израелски воздушен напад врз дом во Газа убиени цивили, меѓу кои и бебе старо еден ден

ГАЗА (АА) - Израелски воен авион го нападна домот на семејството Ал-Кахлут во Деир ал-Балах, што се наоѓа во централниот дел на Појасот Газа, што резултираше со повеќе жртви и повредени, според локални медицински извори, јавува Анадолу.

Телата на убиените и повредените беа пренесени во болницата „Ал-Акса“ во градот, каде што беше потврдено дека едно од починатите е новороденче старо само еден ден.

Во неделата, израелската Армија објави почеток на широка копнена офанзива во Појасот Газа, кој е разорен од војна.​​​​​​​

Израелската Армија спроведува брутална офанзива против Газа од октомври 2023 година, при што се убиени речиси 53.600 Палестинци, повеќето од нив жени и деца.

Минатиот ноември Меѓународниот кривичен суд издаде налози за апсење на Нетанјаху и неговиот поранешен министер за одбрана Јоав Галант за воени злосторства и злосторства против човештвото во Газа.

Израел, исто така, се соочува со случај за геноцид пред Меѓународниот суд на правдата поради својата војна во енклавата.