Иран: Танкер се запали откако удрил во две мини во Ормускиот Теснец

Нафтен танкер се запали откако удрил во две морски мини при обид да помине по „нелегална“ маршрута низ Ормускиот Теснец, соопшти денес Иранската исламска револуционерна гарда (ИРГЦ), пренесува Анадолу.

Бродот „целосно запре откако е погоден од две морски мини“, соопшти ИРГЦ во изјавата што ја пренесе државниот радиодифузер ИРИБ.

ИРГЦ не соопшти детали за евентуални жртви или за степенот на предизвиканата штета.

Гардата ги повика бродовите што транзитираат низ стратегискиот воден пат да ги почитуваат процедурите што Техеран ги објавил за преминување низ Ормускиот Теснец.

Соопштението е дадено откако ИРГЦ претходно соопшти дека соборила американско беспилотно летало над Ормускиот Теснец, по што леталото паднало во водите на заливот.

Во неделата американските сили нападнаа два ирански лансера на островот Ларак, што претставуваше прв американски напад врз иранска територија од крајот на јули, изјави американски претставник за „Аксиос“.