Во нападите на израелските сили во Газа загина уште една жена, бројот на загинати Палестинци порасна на 227

ГАЗА (АА) - Во нападите на Израел врз окупираниот Појас Газа, животот го загуби уште една Палестинка, пренесува Агенција Анадолија (АА).

Израелски воени авиони извршија напади врз Рафа и Хан Јунус, јужно од Појасот Газа.

Во воздушен напад врз регионот Ес-Сатр западно од Хан Јунус загина една Палестинка, а шест лица се повредени.

Од друга страна, во воздушен напад на израелски воени авиони врз зграда лоцирана во царинската зона во градот Хан Јунус повредени се неколку лица.

Исто така, соопштено е дека нема загинати или повредени лица во нападот врз една куќа во јапонскиот кварт на градот Хан Јунус и во регионот Еш-Шебура во Рафа.

Министерството за здравство во Газа во изјавата дадена претходно наведе дека во израелските напади врз Појасот Газа од 10 мај животот го загубиле 227 лица, од кои 64 биле деца.