Во размена на оган меѓу индиската и пакистанската армија загинаа 2 лица

ШРИНАГАР (АА) - Индиската војска соопшти дека двајца цивили загинале, а тројца се ранети во престрелка меѓу индиската и пакистанската армија во Кашмир, во спорниот хималајски регион, јавува Anadolu Agency (AA).

Потполковникот Maниш Мехта, портпарол на индиската армија вели дека пакистанските војници започнале со бомбардирање и отвориле оган врз индиските контролни пунктови на армијата во саботата наутро, на линијата што ги разделува регионите меѓу Индија и Пакистан.

Според него, цивилите се убиени на територијата што е под индиска контрола.

Мехта додаде дека индиските војници возвратиле на огнот, и дека борбите сѐ уште траат.

Според цивилниот администратор, Шахид Икбал, убиено е 13-годишно девојче и 51-годишен човек.

Икбал истакна дека повеќе од 1.500 луѓе се заробени во своите домови во петнаесет села, кои се наоѓаат во близина на граничната линија.