Во јули, израелските сили приведоа околу 900 Палестинци

РАМАЛА (АА) - Израелските сили минатиот месец привеле 880 Палестинци, покажуваат податоците на палестинска невладина организација, јавува Anadolu Agency (AA).

Здружението на палестински затвореници соопшти дека меѓу приведените минатиот месец се наоѓаат 18 жени и 144 деца. Само во Ерусалим биле приведени 425 луѓе.

Израелската армија често врши апсења и приведувања на Палестинците под различни изговори, а еден од нив е дека тие се барани од страна на израелските окупаторски власти.

Во израелските затвори има над 6.500 Палестинци, меѓу кои и неколку десетици жени и над 300 малолетни лица.