Tevfik Durul,Derya Gülnaz Özcan
15 Јуни 2022•Ажурирај: 16 Јуни 2022
АТИНА (АА) - Грчкиот пратеник Клеон Григориадис ја обвини Владата дека ја претворила земјата во „огромна американска база“, јавува Агенција Анадолија (АА).
Во говорот во Парламентот вчера, Григориадис, заменикот на левичарската партија МеРА25 ја критикуваше Владата на премиерот Киријакос Мицотакис поради нејзината надворешна политика.
Тој рече дека во печатот е создадена атмосфера на војна со Туркије.
„Во моментов, американски војници, а не турски војници, талкаат во Крит, Александрополи, Лариса и во други области оставени од старите пријатели на Сириза [левичарската партија] во САД. Да бидеме начисто: Грција сега се претвори во огромна американска база.“
Пратеникот рече дека создавањето на таква перцепција има за цел да ги заплаши грчките граѓани за да биде прифатливо претворањето на Грција во американска база.
Истакнувајќи дека грчкиот народ треба да учи од историјата, Григориадис рече: „Историјата покажува дека големите сили ги користат малите сили како алатки и ги користат за свои интереси, без оглед на болката што може да ја предизвикаат. Како во ’22. [1922].“
„Тие сега нè користат како корисни идиоти, исто како што ја користеа Грција како средство за одвраќање против Новотурците на Кемал [Ататурк], за големите сили лесно да посегнат без отпор кон нафтените полиња на Блискиот Исток кои тогаш беа под османлиска власт“, изјави тој.
„Временскиот период во кој живееме бара добро да ја научиме оваа лекција“, заклучи тој.
