Гувернерот на Токио, Коике: Олимписките игри напредуваат непречено

ТОКИО (АА) - Во Јапонија, гувернерот на Токио, Коике Јурико, истакна дека Олимписките игри, што се одржуваат во услови на пандемијата на Ковид-19, напредуваат непречено, пренесува Агенција Анадолија (АА).

Гувернерот Коике, кој беше примен на средба од јапонскиот премиер Суга Јошихиде, по состанокот одржа прес-конференција на која истакна дека со Суга се согласиле дека Олимписките игри во Токио напредуваат непречено.

Истакнувајќи дека „се потребни поефикасни мерки“, Коике рече дека за време на состанокот со премиерот Суга разговарале за начините за продолжување на социјалната активност и спречување на ширењето на вирусот.

Коике исто така ги повика граѓаните да избегнуваат излегувања и да ги следат Олимписките игри од нивните домови.

Во Токио од март 2020 година се спроведува 4-та вонредна состојба против Ковид-19.

Од друга страна, за време на состанокот премиерот и гувернерот донеле одлука да се направат подготовките за Параолимписките игри, што ќе започнат на крајот на август.