Şeyma Erkul Dayanç
05 Октомври 2026•Ажурирано: 05 Октомври 2026
Двајца мигранти загинаа, а две жени се спасени откако чамец со околу 80 луѓе наиде на тешкотии при обидот да го премине каналот Ла Манш од Северна Франција, објави денес францускиот весник „Ла Воа ди Нор“, пренесува Анадолу.
Полицијата го забележала чамецот како тргнува од дините во Берк пред 22:00 часот синоќа, а подоцна бил пресретнат на околу два километра од брегот, во близина на Мерлимон.
Екипите за спасување го пронашле чамецот преполн со луѓе и пренеле две жени на копно.
Една жена се здобила со тешки изгореници на нозете откако дошла во контакт со смеса од морска вода и гориво, а другата имала тешкотии со дишењето.
Спасувачите на копно извлекле и двајца мажи што доживеале срцев застој, но не успеале да ги реанимираат.
Нивната смрт била констатирана околу полноќ.
Двете жени, кои се државјанки на Сомалија, се пренесени во болница во Ранг-ди-Флие.
Според информациите, едната од нив подоцна со хеликоптер била пренесена во Лил.
Ќерката на една од жените, девојче на возраст од околу 10 години, е пронајдена неповредена меѓу другите мигранти што стигнале до брегот.
