Ерик Кантона ја поддржа кампањата за поддршка на Палестина

ИСТАНБУЛ

Поранешниот француски фудбалски ас Ерик Кантона ја поддржа кампањата за поддршка на Палестинците кои овие денови се изложени на бруталните израелски напади, јавува Агенција Анадолија (АА).

Поранешниот голгетер на Манчестер Јунајтед на социјалната мрежа Инстаграм објави своја фотографија во маица со натпис „Hoping for Palestine“ (Надеж за Палестина), а станува збор за маица што невладините организации ја продаваат во рамките на кампањата за поддршка на Палестинците.

На фотографијата е и сопругата на Кантона, Рашида Бракни, а тој откри дека Фондацијата за Палестина собира итна хуманитарна помош за Газа.

Израелските сили од 10 мај изведуваат жестоки напади на блокираниот Појас Газа. Досега во израелските напади на Појасот Газа животот го загубија 181 лице, меѓу нив 52 деца и 31 жена.