Израел го ослободи палестинскиот затвореник кој штрајкуваше со глад

РАМАЛА (AA) – Израел го ослободи 27-годишниот Палестинец Мохамед ал Римави, кој со глад штрајкувал 20 дена, како и неговиот татко, Нимер Мохамед ал Римави (54), јавува Anadolu Agency (AA).

Кадер Диабис од Асоцијацијата за поддршка на затворениците и човековите права, соопшти дека Мохамед ал Римави и неговиот татко, Нимер Мохамед ал Римави, се ослободени од центарот „Ашкелон“.

Момчето е ослободено поради нарушена здравствена состојба.

Таткото Римави е приведен за да изврши притисок на синот да ги признае злосторствата кои не ги извршил и за да го прекине штрајкот со глад.

Ал Римави претходно отслужи три години во израелски затвор, а од 19 јули штрајкуваше со глад.