Израел изврши напад во Сирија: Убиен цивил, ранети се шест лица

ИСТАНБУЛ (АА) - Израелските воени авиони утринава извршија воздушен напад во западна Сирија во кој регистрирани се жртви, пренесува Агенција Анадолија (АА).

„Нашиот систем за одбрана ги пресретна ракетите на агресија и собори некои од нив“, пренесе сириската новинска агенција (САНА) цитирајќи воени извори.

Изворите, кои сакале да останат анонимни, изјавиле дека во нападот е убиен еден цивил, а уште шестмина се повредени.

„Меѓу ранетите има едно дете и неговата мајка, покрај одредени материјални загуби в подрачјето кое беше цел на нападот“, додаваат изворите.

Израел со години врши напади на места под контрола на силите на сирискиот режим и иранските позиции во Сирија.